Эһигини барыгытын чөл күөх ситэн, Олоҥхо Дойдутугар олох саҥа эргиирэ саҕаламмытынан, үрүҥ тунах ыһыаҕынан “Туймаада” Агрохолдинг АУо аатыттан эҕэрдэлиибин!
Туймаада Ыһыаҕа үгэс быһыытынан норуот бүттүүнүн түмсүүтүн көрдөрөр, саҥа саҕахтары эрэннэрэр, уһун тымныы кыһын кэнниттэн күүтүүлээх сайын кэлиитин бэлиэтиир символ быһыытынан биллэр.
Бу үтүө сайыҥҥы дьоро күҥҥэ бары аймах билэ дьоҥҥутун кытта бииргэ түмсэн сайаҕастык атаараргытыгар, Айыы алгыһын ылан сэниэ, самныбат санаа аргыстастын. Түҥ былыргыттан кэлбит үтүө үгэспит Үрүҥ Тунах Ыһыаҕа сүрэххитин сылаанньыттын, ыраас санааны үөскэттин, күн сылааһын иҥэрэн күүс-уох биэрдин!
Эһиэхэ уонна чугас дьоҥҥутугар чэгиэн туругу, дьолу, үгүс ситиһиини баҕарабын! Үрүҥ Тунах Ыһыаҕынан! Уруй! Айхал!
*** “Туймаада” Агрохолдинг АУо генеральнай директора Петр Ефремов
Источник: Aartyk.ru
